王牌冰室 (教育路) (已結業)

幾個同事行開附近食lunch，見到呢間冰室今日新開就決定試一試，中午都有一堆人排隊等位，我地等左5分鐘左右有位。2人限聚令之下，同事分左兩張枱，都坐得鬆動。#見到枱面有寫用左光觸煤消毒第1次叫當然係揀招牌野食，揀左個叉蝦蛋飯，上枱個賣相好好，無諗過咁大份，食完好飽，蛋唔會太老，好食。另有叫左2個常餐，特濃沙牛麵同午餐肉茄通，沙牛麵個湯底真係好正，沙爹味好濃，同出面食既雞湯底好有分別，係有D重口味，不過湯底味道堅得。個茄通湯底都係好濃郁，感覺湯底用料上有花心機。整體食物質素唔錯，環境新淨簡潔，下次有機會試埋個下午茶。