鵞莊燒鵝工房

營業中

休息中

新蒲崗新開嘅燒味店，午市時間落嚟買個燒味飯，的確係我哋呢啲打工仔最抵食嘅午餐。呢間新開嘅舖頭好光猛乾淨，令人好安心，見到新開事業期間都有好多款燒味提供，上次買過一次叉燒飯食，感覺都唔錯，所以今次決定返屋企加餸試吓佢呢度嘅燒鵝。呢度嘅燒鵝係自己工場製作，所以用了正宗新鮮，見到師傅拎出嚟斬件嘅時候，切落去啲皮都好脆，一路切一路聞到香味，的確相當吸引。值得一讚呢度可以自備食物盒，環保嘅朋友可以幫助地球出一分力，自備餐盒啊！返到屋企食嘅燒鵝，個皮依然好脆。肉質嫩滑，味道調得啱啱好，唔會太鹹，用嚟加餸真係一流。