尚座 (已結業)

由於疫情，已經好耐冇一家人出街食飯啦！難得放寬可以同枱食飯，就出去食久違嘅京滬菜！妹妹喺Lee Garden返工，呢間附近新開無耐嘅尚座佢食過中午覺得水準唔錯，就提議一家人試下佢晚市嘅填鴨套餐！尚座裝潢優雅時尚，環境闊落開揚，座位寬躺舒適，服務周到。開頭我以為餐廳位於利園價錢會較貴，點知定價比想像中親民！我哋點咗經典填鴨四人套餐（$1088），計落每人都只係三百元左右！經典填鴨4人套餐風味脆醬瓜醬瓜外脆內軟腍，沾滿甜甜嘅醬汁，清新嘅一道冷盤！花雕醉雞花雕醉雞係經典嘅上海菜式，但要整得好食絕不容易。醉雞酒香四溢，浸得入味。雞皮口感爽彈有咬口，雞肉嫩滑，好味！花膠雲吞雞店員先奉上一整煲砂鍋比我哋相機食先，然後再幫我哋盛湯。雞湯味道鮮香濃稠，每人都分到大塊又厚身嘅花膠，每啖都充滿骨膠原，好滋補！香酥烤鴨（半例）呢度嘅酥香烤鴨選用金星鴨場嘅北京白羽鴨，而且嚴選飼養60天雛鴨，肉質特別嫩滑。尚座以風焗爐處理，烤鴨色澤紅潤，鴨皮香脆，鴨肉唔會太乾身，配上青瓜、哈蜜瓜、京蔥、蒜泥、傳統京醬拌吃，再用卷餅包住一齊食，味道豐富。如果鴨皮油香多D就更完美啦！4人套餐只包半隻鴨，份量唔多，4個人食唔係好夠喉