金象泰小館 德士古道

營業中

休息中

大窩口一直都無泰式餐廳，所以一知新開左呢間新野，都幾期待，點知相當失望🤯泰式湯粉麵餐，要左魚蛋，轉左做金邊粉，好快上菜，第一次食咁清淡泰式粉麵，我以為自己病左，食清淡，無乾蔥，無炸蒜洋蔥之類，有少少蔥花同埋一啲榨菜？成碗野都係好㝰好淡口味，就算啲白蘿蔔都完全無味，唯有要讚佢既份量都算多。個海南雞都滑，份量唔多，賣相都可以，個醬汁酸甜。荔枝梳打，賣相味道可以，荔枝肉有三粒，都幾清新。午餐黎講，佢價位都算平，不過失望，都無興趣再黎，格離好多餐廳都係呢啲價。