新釗記茶餐廳 (已搬遷) 新店位置

葵芳★新釗記每次黎到葵涌廣場行街都忍唔住入新釗記嗌個特餐，為求嘆下最愛既厚多士＆香濃茶啡。今晚本身諗住轉下場，但行黎行去，最後對腳都係不由自主走左去依間茶餐廳 ...依到既伙記有d都幾搞笑，落單果時好似同friend講緊野咁，鐘意茶餐廳既原因之一就係依種街坊親切感 （雖然唔係街坊。）menu好多選擇，不過獨沽一味次次都食特餐（$38） - 火腿奄列配牛油多士（少油）：麵包控大愛既厚切多士搽完牛油烘到又香又脆，食落又軟熟，真係唔怪得我每次都被誘惑 火腿奄列就普普通通啦，如果個蛋可以煎到少少半熟就更好喇～哈哈平時一定揀羅宋湯火腿絲螺絲粉，個湯夠晒濃味又勁足料 不過今日腸胃不適要忍下口，唯有嗌個清清地既- 什菇雪菜肉絲米：講真，食落同望落都無嘜特別既。咁既價錢都唔會係味道上要求太多，不過佢又真係一d都唔孤寒，d菇同雪菜肉絲都比足你，唔似得有d茶餐廳比幾果幾舊"sip牙la"都唔夠 - 鴛鴦：一間好既茶餐廳一定要有個好既水吧師傅先成事！見到茶餐廳咁識貨用黑白奶沖咖啡奶茶即刻對佢地既飲品信心大增 依度既咖啡奶茶鴛鴦都沖得好出色，香滑味濃而唔會苦澀 就算唔似我咁鐘意食特餐，黎依到幫