Viet. Kitchen (已結業)

今日去左呢間係中環新開的餐廳。由於身邊都係中環人，搞到我都唔好意思影太多相...首先試左佢地個蔗汁。有d青檸味，幾fresh。不過我覺得有d甜，我怕佢地加左好多糖。可能由於新開的關係，個經理會走嚟問你覺得點。我問蔗汁有冇得叫少糖，佢竟然話冇加糖，係d蔗本身咁甜。鐘意飲果汁的朋友可以試下。如果你好似我咁怕甜就等d冰融少少先飲。跟住試左個雞翼，之前見到人地話唔好食，不過我又覺得唔錯喎。佢整得好脆好香。我冇係第道食過呢種味，好特別。個包幾足料，係經典越南風味。另外想提下配薯條個茄汁，佢地應該加左辣椒，個味道比普通茄汁刺激。今次一個人嚟試唔到太多味，不過應該會再嚟。