影片
更多
2005-06-01
6 瀏覽
15/05/2005 13:00今日係一個都幾重要o既日子，就係我同女友雙方家長第一次見面，地方就揀o左將來會o係度擺酒o既漢寶皇宮酒樓。呢度o岩o岩新裝修完，五月初先重開，裝修唔算好豪華，但簡潔。呢度有個優點，就係咁大個大廳都冇柱，可惜樓底比較矮，有少少焗促感。講番正題，呢o的咁o既場合，雙方都可能有少少拘緊，而且主要係黎傾正經o野，所以都預左唔會食好多野。但我就好少理，一於趁機試下個廚房水準如何。咁就叫一個點心套餐($188)再額外寫點心啦！點心套餐包括：貴妃雞半隻、金銀蛋萈菜、自選點心四款(揀了鮮竹卷、雞扎、節瓜甫同燒賣)同自選粉麵飯一碟(揀了楊州炒飯)。唔知係咪新開張要打響招牌，全部食物都非常好，簡評如下：貴妃雞- 有雞味而且好滑，就算係雞胸肉亦唔覺鞋，雞身亦唔肥。金銀蛋萈菜- 份量足，似是中牌，咸蛋和皮蛋都很靚，唯獨菜有少少渣。鮮竹卷- 造法不是傳統的先炸後蒸，鮮竹卷炸了後淋上蠔油芡，所以入口還是脆的，豬肉的比例較以往少，味道較清新，不錯！雞扎- 兩大件，以腐皮卷著雞、火腿和魚肚，還有一舊滿以又是芋頭，誰不知換上了一舊鮑魚.........菇，總算有一點驚喜。節瓜甫、燒賣-
今日係一個都幾重要o既日子，就係我同女友雙方家長第一次見面，地方就揀o左將來會o係度擺酒o既漢寶皇宮酒樓。
呢度o岩o岩新裝修完，五月初先重開，裝修唔算好豪華，但簡潔。呢度有個優點，就係咁大個大廳都冇柱，可惜樓底比較矮，有少少焗促感。
講番正題，呢o的咁o既場合，雙方都可能有少少拘緊，而且主要係黎傾正經o野，所以都預左唔會食好多野。但我就好少理，一於趁機試下個廚房水準如何。咁就叫一個點心套餐($188)再額外寫點心啦！
點心套餐包括：貴妃雞半隻、金銀蛋萈菜、自選點心四款(揀了鮮竹卷、雞扎、節瓜甫同燒賣)同自選粉麵飯一碟(揀了楊州炒飯)。
唔知係咪新開張要打響招牌，全部食物都非常好，簡評如下：
貴妃雞- 有雞味而且好滑，就算係雞胸肉亦唔覺鞋，雞身亦唔肥。
金銀蛋萈菜- 份量足，似是中牌，咸蛋和皮蛋都很靚，唯獨菜有少少渣。
鮮竹卷- 造法不是傳統的先炸後蒸，鮮竹卷炸了後淋上蠔油芡，所以入口還是脆的，豬肉的比例較以往少，味道較清新，不錯！
雞扎- 兩大件，以腐皮卷著雞、火腿和魚肚，還有一舊滿以又是芋頭，誰不知換上了一舊鮑魚.........菇，總算有一點驚喜。
節瓜甫、燒賣- 普通，一般水準。
楊州炒飯- 出色！印象中好耐冇食過咁正的炒飯了！飯粒乾身少油，而且材料又多又新鮮，入口味道很鮮味而且很香，我想除了是材料靚之外，亦用了上好的上湯來炒，兩者實在係絕配。
另外叫了一碟鳳爪，不過只係普通，蒸得唔夠耐，比較硬身。
在座每位對呢餐o既食物都好滿意，大家算係有個好開始，慶幸無揀錯酒樓，希望水準不變啦！要搵晚黎試埋晚飯o既水準先！
埋單二百五十幾，我覺得算抵食！
張貼