影片
更多
2020-08-22
342 瀏覽
由於疫情嘅關係，本身住黃大仙嘅自己最近都好少出街，但由於今日要落新蒲崗買少少野，所以順便喺附近食埋個午餐先返屋企。今日行經一間新開嘅急凍食品店，價錢各方面都算平，平時買開果隻雞翼超市賣$69.9,我今日用$52就買到😁。。。原來呢間店除咗買凍肉之外，裡面仲有一間餐廳。橫掂諗住搵嘢食，咁就不如喺度食埋啦！價錢方面都平民化🙂由於疫情嘅關係，政府的禁制令，令到很多食肆都要面臨執笠。我想講，我真心很佩服在逆境下開設的餐廳，真係好大勇氣👍🏻其實呢間餐廳在九龍灣企業廣場都有分店，因為我喺九龍灣返工，我都幫襯過好幾次，質素唔錯，地方又乾淨，價錢亦都唔算貴。呢間餐廳嘅風格係比較簡約，同埋燈光比較柔和。俾人一種好舒服好好hea嘅感覺。今日揀咗兩個set lunch小食:慢煮雞胸肉沙律配無花果醬慢煮嘅雞胸肉，煮完總比一般嘅肉質鮮嫩，我覺得個醬汁好特別，一邊食一邊都諗緊到底係乜嘢，佢個味道酸酸甜甜好似有少少似梅，點知見到張單先知道原來係無花果醬。主食:伊比利亞豬肩肉肉質唔錯，又唔會煮得太過火，冇雪藏嘅味道。烤蘑菇忌廉汁闊條麵意粉個汁好濃，好creamy。食晒成碟又冇好濟嘅感覺。飲品：提拉米蘇咖啡值得一讚，杯
今日行經一間新開嘅急凍食品店，價錢各方面都算平，平時買開果隻雞翼超市賣$69.9,我今日用$52就買到😁。。。原來呢間店除咗買凍肉之外，裡面仲有一間餐廳。橫掂諗住搵嘢食，咁就不如喺度食埋啦！
價錢方面都平民化🙂
由於疫情嘅關係，政府的禁制令，令到很多食肆都要面臨執笠。我想講，我真心很佩服在逆境下開設的餐廳，真係好大勇氣👍🏻
其實呢間餐廳在九龍灣企業廣場都有分店，因為我喺九龍灣返工，我都幫襯過好幾次，質素唔錯，地方又乾淨，價錢亦都唔算貴。
呢間餐廳嘅風格係比較簡約，同埋燈光比較柔和。俾人一種好舒服好好hea嘅感覺。
今日揀咗兩個set lunch
小食:
慢煮雞胸肉沙律配無花果醬
慢煮嘅雞胸肉，煮完總比一般嘅肉質鮮嫩，我覺得個醬汁好特別，一邊食一邊都諗緊到底係乜嘢，佢個味道酸酸甜甜好似有少少似梅，點知見到張單先知道原來係無花果醬。
主食:
伊比利亞豬肩肉
肉質唔錯，又唔會煮得太過火，冇雪藏嘅味道。
烤蘑菇忌廉汁闊條麵
意粉個汁好濃，好creamy。食晒成碟又冇好濟嘅感覺。
飲品：
提拉米蘇咖啡
值得一讚，杯野望落去好吸引之餘，咖啡味好濃厚，又有層次。
棉花糖朱古力
兒時嘅飲料， 如果朱古力味可以濃多少少就更滿足。
甜品:
焦糖香蕉窩夫
呢度嘅窩夫，切開係千層酥嘅質地，好鬆軟。
張貼
