三分俗氣 (已結業)

新蒲崗真係一個臥虎藏龍嘅地方。呢間三分俗氣都算性價比幾高 嘅上海小店。周五晚上，黃大仙收工就過左黎食晚餐。二人同行就決定叫2人套餐$238 再加鮮肉小籠包 套餐花雕醉雞呢度嘅醉雞，雞肉非常嫩滑。最愛酒味好濃帶甜但又無酒嘅澀味。套餐粟米魚肚羹 料都算幾多，魚肚幾爽口。蒜泥白肉 $42蒜泥調味好香，但略嫌蒜泥未夠多。欣賞白肉底部墊左粉皮，吸晒濃味嘅汁食，好惹味。套餐：回鍋肉粗炒份量大碟，回鍋肉同豆干配料好多，粗面口感幾好調味都係偏淡左少少。招牌鮮肉小籠包 $36肉餡同肉汁都好夠，皮是偏厚。但呢個價錢質素算係甘。套餐韮黃鱔糊除咗韮黃之外仲有好多芽菜，調味剛好，鱔條夠粗有口感。最後套餐甜品：高力豆沙算幾足料，熱辣辣幾多豆沙餡。