影片
更多
2020-08-19
313 瀏覽
雖然近排市道低迷，餐飲業更是首當其衝，但仍然有食肆逆市開張。早兩日路經彩虹道，發現以優質咖啡及特色輕食為主打的「Coti the Bistro」繼九龍灣店後，又再下一城，進駐新蒲崗。趁今日喺附近做嘢，和同事嚟幫襯下。餐廳其實有兩邊門口，客人亦可以經四美街「Coti 倉」入內。今次呢間的室內設計與上次到訪嘅九龍灣分店有少許不同，裝潢更為簡約，照明以暖光為主，充滿日式風格，營造溫馨舒適的用餐環境。點咗一份沙律，兩客主菜同兩杯飲品。慢煮雞胸肉沙律 ($73) 首先送上，旁邊的野菜沙律用料很豐富，有青蘋果、西柚、車厘茄和沙律菜；雞胸肉厚切，肉質很嫩滑，上碟前已去皮，加上經過慢煮兼無落調味，適合追求健康嘅朋友。伊比利亞豬肩肉伴野菜沙律、鼠尾草炸薯條 ($98)，豬肩肉肥瘦勻稱，質感爽中帶滑，入口很嫩，完全沒豬羶味，而且食落不會乾爭爭，啖啖肉，咬感十足，伴上 酸咪咪嘅蕃茄蔬菜汁吃，更惹味。粗薯條薯味好濃，用來蘸點無花果醬吃，大滿足。另外呢客燉牛肋骨飯 ($88) 味道亦唔錯，牛肋骨大約有 5-6 件，用醬料燜至入味，肉質細緻幼嫩，入口香酥腍滑，用叉子足已輕易撕開，牛魔一定 Like 爆！配料有
早兩日路經彩虹道，發現以優質咖啡及特色輕食為主打的「Coti the Bistro」繼九龍灣店後，又再下一城，進駐新蒲崗。趁今日喺附近做嘢，和同事嚟幫襯下。餐廳其實有兩邊門口，客人亦可以經四美街「Coti 倉」入內。
今次呢間的室內設計與上次到訪嘅九龍灣分店有少許不同，裝潢更為簡約，照明以暖光為主，充滿日式風格，營造溫馨舒適的用餐環境。
點咗一份沙律，兩客主菜同兩杯飲品。慢煮雞胸肉沙律 ($73) 首先送上，旁邊的野菜沙律用料很豐富，有青蘋果、西柚、車厘茄和沙律菜；雞胸肉厚切，肉質很嫩滑，上碟前已去皮，加上經過慢煮兼無落調味，適合追求健康嘅朋友。
伊比利亞豬肩肉伴野菜沙律、鼠尾草炸薯條 ($98)，豬肩肉肥瘦勻稱，質感爽中帶滑，入口很嫩，完全沒豬羶味，而且食落不會乾爭爭，啖啖肉，咬感十足，伴上 酸咪咪嘅蕃茄蔬菜汁吃，更惹味。粗薯條薯味好濃，用來蘸點無花果醬吃，大滿足。
另外呢客燉牛肋骨飯 ($88) 味道亦唔錯，牛肋骨大約有 5-6 件，用醬料燜至入味，肉質細緻幼嫩，入口香酥腍滑，用叉子足已輕易撕開，牛魔一定 Like 爆！配料有蘿蔔、甘筍、冬菇和車厘茄，伴以醬汁吃，美味。
飲品我揀咗玫瑰普洱冷泡茶 ($36)，而同事就點了棉花糖朱古力 ($42)。冰凍的冷泡茶非常解渴，入口清涼甘甜，飲落仲帶點玫瑰花香，不錯。至於朱古力飲品，據說味道亦不俗，朱古力味好濃，入口香甜滑溜，加上棉花糖，令口感更豐富。
一場嚟到，無理由唔食埋甜品先走，揀咗件千層蛋糕 ($45)，蛋糕以薄餅皮同忌廉層疊交錯，餅皮很薄，質感既輕且軟，層次分明，忌廉夠香滑，入口 Creamy，為是日豐富午餐畫上完美句號。
張貼
