Coti the Bistro (五芳街)

營業中

休息中

今晚放工約咗老公去新蒲崗附近拎件，見到一間門口細細既西餐廳，感覺好得意，門口用了舒服的天藍色，幾sharp。門口位置放有餐牌，望望menu都有好多唔同款式。食物算幾岩口味，價錢ok，決定入去試試。入到去環境無諗過咁大間，而且都算幾舒服，我地坐咗二人卡位。我地柯打了一客蒲燒鰻魚飯同一客香煎雞漢堡椰菜絲拌薯條，晚餐配搭有餐湯伴蒜蓉多士，仲叫咗飲品同甜品，食得好豐富😚值得一提嘅係份量好大，賣相幾有心思同算幾精美。鰻魚好大條啊，有啲驚喜！味道亦唔錯👍佢哋個飲品方面，我哋叫咗一個叫咖啡果嘅飲品，好有特色，用好靚嘅玻璃樽裝住，而且另外用一個小瓶子放蜜糖，自行調配甜度。好味而且好特別。另外甜品方面蛋糕都好香濃嘅芝士味，西餐廳有埋甜品算係做得好唔錯。整體都幾高分，食得滿足。如果喺工廈區食到咁嘅質素嘅餐廳，真心有驚喜嘅。