好運泰國美食

今日放工七點，去咗新蒲崗廣場2樓食晚餐，預約咗一間泰國餐廳試吓，人流初時唔算多，跟住開始越嚟越多，佈置都好泰國風情。

餐牌都有好多選擇有傳統嘅咖喱，泰式炒飯啦，炒菜，同埋串燒等，我哋揀咗好耐先決定到。最後決定要以下嗰啲嘢：
飲品：乳酸梳打

主食：虎蝦粉絲煲，泰式炒通菜，招牌牛肉

虎蝦粉絲煲

$158

大蝦粉絲煲嗰啲粉絲都入晒蝦嘅海鮮味10分惹味，重點係個蝦已經開咗邊方便可以剝殼。

乳酸梳打

$20

泰式炒通菜有豆瓣醬，再加指天椒一齊炒叫咗小辣

招牌牛肉係最推薦㗎，肉質又柔嫩又有牛味。

總括嚟講都幾好，喺新蒲崗有一間細細地嘅泰國菜唔使成日食連鎖餐廳。推薦可以嚟試吓。