三分俗氣 (已結業)

朋友公司係新蒲崗，今日去佢公司附近搵佢食飯，佢話佢公司附近有間幾好食既上海菜，佢平時放lunch都會去食，咁我就一於同佢去試下啦。晚市時間去到都已經好多人，我地被安排一張二人枱。俗氣醉雞：酒香味濃，食到都用紹慶酒浸得好耐，好入味。雞肉好滑，煮得不過火，雞骨小紅，所以肉地嫩滑。奶油津白：好香好creamy, 咸咸地的奶油配上白嫩的津白，每一口都好咸香，滑溜溜的口感，非常喜歡。想必一定係有功力的師傳先煮得出呢個水準。大排粗炒：每一口都係炒得好入味既麵條，配上排骨，好有鑊氣。蟹粉小龍包：以為只是外皮會有啲蟹粉，原來佢將蟹粉同埋入面的肉混在一起，每一口都食到蟹粉味，好正。朋友果然無介紹錯。