影片
更多
2018-12-01
63 瀏覽
去搵住喺新蒲崗嘅朋友食飯，地膽話呢間食上海菜嘅餐廳唔錯，價錢經濟得嚟又多選擇，咁就一於食呢間！不嬲都幾鍾意食上海菜，見到menu 都已經食指大動！既然有大胃王朋友喺度，就可以喪食！先嚟冷盤醉雞，佢個汁好濃，應該都加左唔少酒，所以配埋雞件食就好正，最怕食醉雞個汁淡茂茂，而且呢度嘅雞肉都好嫩滑！細細個已經好鍾意食海蜇，鍾意佢夠爽口，呢度溝埋少少蘿蔔絲，味道好清新，勁快比我地清哂！我地仲勁貪心叫多左個水晶肴肉，$50 有8件，一啖一件，味道都唔錯！金銀蛋白菜仔係我至愛，大大碟好抵食，用嚟送飯真係一流，但我地真係叫得太多嘞，所以都唔敢叫飯！蟹粉小籠包$60 有四隻，上枱熱辣辣，入面有超多湯汁而且仲真係有新鮮拆嘅蟹肉，好驚喜！嚟食上海野點可以唔食上海粗炒，呢度嘅上海粗炒好有鑊氣，可惜我已經食到超級飽，所以淨係食到一小碗，主要都係朋友去清！見佢平時仲有好多特價午市套餐，都好抵食咁，下次嚟會試下！
不嬲都幾鍾意食上海菜，見到menu 都已經食指大動！既然有大胃王朋友喺度，就可以喪食！
先嚟冷盤醉雞，佢個汁好濃，應該都加左唔少酒，所以配埋雞件食就好正，最怕食醉雞個汁淡茂茂，而且呢度嘅雞肉都好嫩滑！
細細個已經好鍾意食海蜇，鍾意佢夠爽口，呢度溝埋少少蘿蔔絲，味道好清新，勁快比我地清哂！
我地仲勁貪心叫多左個水晶肴肉，$50 有8件，一啖一件，味道都唔錯！
金銀蛋白菜仔係我至愛，大大碟好抵食，用嚟送飯真係一流，但我地真係叫得太多嘞，所以都唔敢叫飯！
蟹粉小籠包$60 有四隻，上枱熱辣辣，入面有超多湯汁而且仲真係有新鮮拆嘅蟹肉，好驚喜！
嚟食上海野點可以唔食上海粗炒，呢度嘅上海粗炒好有鑊氣，可惜我已經食到超級飽，所以淨係食到一小碗，主要都係朋友去清！
見佢平時仲有好多特價午市套餐，都好抵食咁，下次嚟會試下！
張貼
