板前壽司 (已結業)

今日同粉絲喺公司搞左陣文件~見有少少餓都係時候去開飯~由於粉絲太揀食樣樣唔食得~所以就決定去呢間''飯堂''~唔係放飯時間,所以唔洗等位就入得~仲可以坐ORDER枱~不過唔知係櫈腳太短定係我的腳太長~坐落去有少少踎住的感覺,坐得好唔舒服~可惜冇其他選擇,所以只好自己配合下...餐廳而家奉行電子化,所以服務員放下熱水壺就走左去~頗自助呢~睇睇餐牌 ~除平時有的款式外,仲多左几款蟹類食品~我一向好支持新嘗試~緊係要點黎試下啦~!牛油果蟹子壽司, 牛油果蟹肉壽司 - 同樣係牛油果肉打欄再配上唔同的蟹材料, 牛油果肉入口好清新,但蟹肉味唔係太出~可能唔夠多掛~一般出品~芝士焗蟹蓋 - 芝士就只有蟹蓋上的一片~芝士味一D都唔重~ 蟹肉饀味唔係好濃~反而有好重的忌廉味,令我誤會左自己所點的菜式~蟹肉蒸蛋 - 日式蒸蛋臨上枱之前加入少少蟹肉喺面頭,兩個啱啱結合,唔係咁熟呢~總括黎講..算係見識過佢的新出品 ~ 只要將心中要求放下一點~都不失為一D''新意'' ,如果每樣都可以倍加份量,出品相信會更好~