莆田 (美麗華廣場2期) (已結業)

今日老細請食飯，同事唔講唔知美麗華二期都開左一間莆田，門口有大大張poster推廣海蠣。原來莆田係一個沿海地名黎架~餐廳發源自新加坡，不過主賣的菜色唔係新加坡菜，而是莆田菜，也就是福建菜!!莆田近年多左好多分店，原來天氣涼左係食海蠣嘅好時節，莆田有6種不同海蠣菜式，乾濕都有，香口同滑溜任君選擇。188任揀2種，今日食左海蠣湯同鹽漬海蠣。海蠣湯算好鮮～好多料，椰菜花蕃茄同海蠣大大隻，好滋潤嘅感覺。鹽漬海蠣就香脆鮮味帶咸，有腐乳既質感！加左興化米粉，幾個同事分享都夠。細細嘅粉好香口。開胃小食就係我最欣賞嘅蝦苗紫菜同九轉小腸，原來呢2個係重點推薦黎架！