中村藤吉香港店 (已結業)

尋日收工突然想食塊腐皮，即刻坐車過尖沙咀。係the one 舊舖果時都去過幾次，跟住結業同裝修期間都摸過兩次門釘，好失望又掛住塊腐皮。去到約6:30,晤洗等位，限時用餐90分鐘。入到去感覺比以前細左好多，坐位好迫，景觀又以前咁好。另外好欣賞佢地舊舖學茶道個位都去左門口。由於仲要食晚餐，所以只點了兩樣野。腐皮烏冬定食（$118）之前試過蕎麥麵，但比較硬，所以都係揀番口感較滑的烏冬。鰹魚湯底清香，每次都會飲埋去。腐皮甜甜地，吸左湯汁後咬落去好正。碗飯我就認為可有可無，食完勁飽，無位食多個甜品。凍甜抹茶雪糕浮冰（$68）味道好濃郁，但又不會苦澀，配上香滑軟雪糕，可中和雪糕甜味。唯一不足係咁細杯飲品入面有四粒超大冰塊。起碼有3x3cm. 所以份量其實係非常小，飲完杯野d冰都仲係度。呢個價錢配此份量就不太值了。