一樂小鍋 (已結業)

沙田石門已成為沙田馬鞍山友的重要地頭。好多餐廳，中式酒樓，港式快餐，日式，西式，韓式，台式，東南亞等都有。尤其是港色懷舊菜重塑。除咗一D大排檔，冰室重新包裝，車仔麵亦有新穎包裝。今日中午同家人食呢間「一樂」就係。麵底除咗一般粗細麵，米粉米線。仲有新興的淮山麵，菠菜麵。配汁都可以揀。B餸選擇亦多。連花膠都有。花多眼亂，又心大心细係一般「餓底」人士選擇困難症常有病徵。好彩餐廳有「一樂八寶」，幫雞亦滷得入味，萝卜甜而冇渣，滷旦係溏心，正。小朋友叫左雞亦餐肉，蘿卜，青菜及魚皮。魚皮脆，午餐肉好厚。另一碗叫左花膠，好大塊，正。以上車仔餸係我推介。