五要素食堂 (已結業)

尖沙咀the one 好多精緻餐廳，行過見到間日本菜，睇完個menu都ok就入去試下，個Menu係有漢堡、Pizza、丼飯、沙律、甜品同埋清酒，見到呢個組合都幾特別。天氣熱熱的唔係好想食漢堡同Pizza，再決定叫個飯，叫左愛知大葉燒雞肉丼+清森溫泉玉子，一嚟到見到雞肉嘅份量都好多，而且有啲紫菜碎，最正係隻溫泉蛋，一定要整爛佢，將啲蛋黃同啲飯混合，再配埋啲紫菜，加埋啖燒雞肉，一啖食落去好好味。另外叫咗個海苔水牛城雞翼，佢呢個水牛城雞翼會配埋藍芝士醬，正常水牛城雞翼嘅味道，但就第一次食呢隻藍芝士醬，個芝士味係會濃好多同埋唔係個個都頂得順，而我鍾意食芝士嘅我就覺得都幾好味。最後個店員都好有禮貌同埋服務都好好，想食下啲新穎日本菜又係尖沙咀嘅話都可以試吓。