瑞士咖啡室 (裝修中)

因為返工食飯時間有限制嘅關係，所以Lunch只可以喺附近食，又因為天氣太熱，所以唯有喺公司最近嘅瑞士咖啡室食。等位等咗15分鐘左右，坐低唔知食咩好所以是但叫咗個麻婆豆腐飯食。 Well... 喺我印象中麻婆豆腐應該係細細粒豆腐加啲豬肉碎，都唔旨意佢會辣架啦，但碟嘢一上枱。。。嘩！實在太。。太新穎啦？係我見識少唔知道麻婆豆腐已經改頭換面定點？賣相都算，個汁呢。。。個汁似係用鹽加生粉水嘅獻汁。。。真係好食到。。。返屋企要食返個記憶中嘅麻婆豆腐先得！