天山小館 (已結業)

收工約左朋友係天后食飯，天氣咁悶熱真係想食d酸辣食物刺激下胃口～見到呢間天山小館主打新疆fusion 菜幾特別，兩個人決定試下新嘢～環境頗大，乾淨企理，坐得幾舒服～涼拌粉皮 粉皮用麵粉人手做，不是外來批發貨，感覺健康，粉皮夠彈牙唔會過粉，配埋爽口青瓜絲，豆腐干加埋特別調製的醋汁，食落十分清新又開胃，絕對刺激味蕾～重慶口水雞單看賣相以為辣度十分刺激，滿滿的辣椒及炸蒜鋪滿口水雞，惹味之極！但食落不算太辣，我嫌辣味不夠呢！雞亦處理得十分嫩滑，不錯！招牌陳醋咕嚕肉講明招牌應該抱有期望，果然食落香脆可口，帶著微微陳醋味跟平時食的咕嚕肉有點不同，特別開胃！咕嚕肉冇骨啖啖肉，炸漿的面粉又唔會太厚，比例適中！最特別配埋新疆的青提乾，煙煙韌韌，幾有口感！啫啫鐵板通菜因為唔食芥蘭，餐廳好好可改為通菜，一上菜個鐵板上仲係咁喳喳聲～完全可以保存通菜的熱度及原汁原味～～內有大大隻蝦乾、肉碎、同醃製左既蝦干配埋勁香的蝦醬味一齊食，十分鮮味！簡單中顯得不平凡，可見餐廳心思，下次會試下更多不同菜色！