雲津美食

營業中

休息中

睇完馬家開飯，特意成班朋友由九龍入新界搵食，15：30先見開鋪既小食店，因本人極愛芝士，所以第一時間叫左電視介紹既芝士通心粉，真係好得意，咬開入面有一粒粒通心粉。仲發現呢間小食店有超級無敵勁多款炸類小食，睇見張落單紙，野食多到令我地有d 選擇困難，最後，叫晒所有芝士類既野，同小食店排行磅上面既食物，一行五人，叫左11樣野黎試下，都只係$158。一致推薦炸壽司，芝士忌廉，魷魚so, 同炸蛋。個人認為芝士忌廉比芝士通心粉較濃味，好明顯係用唔同既芝士，黃金芝士條就似食pizza芝心批，d芝士係可以拉長既，仲有個流心芝士薯球，四款都唔同既芝士，四樣都好好食。炸蛋的確同電視所介紹既一樣，剿晒皮，好彈牙，但$9得6粒，絕對唔夠喉。雞軟骨，蜜糖炸燒賣，奶滑蟹肉餅就各有支持者, 招牌香辣雞亦尖係幾惹味，但企響條街度食得有d 狼狽。總括呢間小食店，平，好味，夠特別！不過真係有d 熱氣， 食完之後要飲番杯涼茶消消脂。另外一提，呢間小食店都有好多款出面無既飲品, 朋友叫左杯冬瓜珍珠牛奶，藍豆花珍珠牛奶同菠蘿星星特飲，佢地話三杯都好正。