薩莉亞意式餐廳 (悅來坊) (已結業)

一講起平價意大利菜，好自然就諗起薩莉亞，呢間餐廳嘅食物價廉物美，好受歡迎，每次黎都要等位。打開餐牌，發現多咗好多新產品，當然要叫黎試下啦。溫泉蛋卡邦拿那意粉有隻半熟蛋同切片煙肉，食落有好香黑椒味，幾惹味亦唔覺得好膩。肉醬粗管麵，個汁好正，面頭嘅芝士焗到燶燶地，好好味。另外，仲叫咗每次必叫嘅辣味雞翼同蒜汁燒魷魚。雖然雞翼愈黎愈細隻，但味道方面仍不錯，雞翼帯點微辣，鮮嫩有肉汁，而魷魚就鐵板原條上，夠大隻厚身又燒得夠香，真係無得彈。