象屋泰國餐廳 (已結業)

餐廳空間幾大，樓底亦較高，座位寛闊，裝修偏時尚風格。被安排座位對著落地玻璃，睇到出面夜景，感覺舒服。小食拼盤一共有五款小食，包括蝦餅、黃金包、馬可、春卷、蟹肉卷。蝦餅比較彈牙，蝦肉結實，外層都係好香脆。黃金包炸得香口唔油膩，入口幾鬆化。馬可食落幾開胃，有香甜的菠蘿墊底，幾得意。卷皮好薄，裏面仲有粉絲木耳等等嘅餡料，口感豐富。蟹肉卷外層嘅腐皮炸得好脆，裏面當然有豐富嘅蟹肉，正！拼盤有個香濃的醬汁跟埋，更加惹味。泰式燒春雞燒春雞比較特別，炸過後好香脆嘅口感，肉質好厚實，配上特製醬汁，酸酸辣辣幾開胃，點了之後好似少了油膩嘅感覺，不過略嫌份量較少。香茅雞肉撈檬撈檬好大份，足料，配上青瓜絲、蘿蔔絲、芽菜、薄荷葉等配料，雞肉肉質食落算嫩滑。而檬粉食落都幾爽口，加上帶點酸甜嘅汁，感覺幾開胃清新。油酥餅就算冇叫咖哩，都想食油酥餅。食落唔覺得好油膩，幾有層次。