越男仔

前排做野做到無停手，做到周身骨痛餐餐食埋不知所謂既飯盒，終於忙完了，要比我自己嘆返餐，一來老婆今日約左人，所以我可以順便接埋佢一齊返屋企。近排好想食生牛河，又要搵到間好食既真係好難，我係旺角好景商場後面行行下見到好多間食店，之後發現見到有間食越南野既舖頭，睇到店內裝修都幾時尚，於是入去試下啦，橫惦又有我喜歡食既生牛河。

入到去睇下餐牌，原來有分3個STEP可以選擇1係湯麵2係小食3係飲品，可以比我地選擇任何一個STEP都得，或者STEP1/2、STEP1/3、STEP2/3或者STEP1/2/3選哂都得，視乎我地選擇，STEP1就係湯麵(用正價價錢，沒有跟餐價)，STEP2、3就係小食同飲品(假如有叫一個湯麵的話，小食或飲品可以用跟餐價錢)，我之前做得咁辛苦緊係選擇哂3個STEP啦。

越式生牛肉牛骨湯河粉

$62

【越式生牛肉牛骨湯河粉】$62
一來到個湯底非常清甜，河粉又好幼滑，見到牛肉不是全熟(我真係比個讚佢，有好多地方既生牛河D牛多數係全熟同好"鞋")，但佢地既牛肉非常嫩滑。值得推介!!!

法式芝心蝦多士

$45

【法式芝心蝦多士】跟餐價$45
蝦多士炸麵包皮，唔好睇佢外表咁普通，實際上食落去比想像中好，表面又夠香脆內裡蝦膠又夠彈牙，最重要係芝士真係流心架，無得彈。

青檸梳打

【青檸梳打】跟餐價$23
食左D炸野，點少得冰凍飲品，我叫個清新、特色越南飲品來清熱氣，同埋都幾有gimmick。