登堂 (已結業)

今日係觀塘行完街。朋友介紹我去the wave 睇下有咩好食。無意中俾我地發現到呢間裝潢好新潮又型格既餐廳。餐廳好大，座位好闊落，岩哂一大班人黎飲酒都得！😺而且仲好扺飲添！8點前，都係$38🍺食物方面，餐廳係M1 Group旗下餐廳，強調從不使用味精，只用高湯、新鮮雞湯、海鮮汁等等天然調味，強調係健康西餐👍食得夠放心。法式香草牛油焗田螺，😺即叫即焗，熱辣辣！有好多舊田螺，大大隻。田螺加上香草調味料，癖去腥味，食落爽口，好入味。仲有焗薯蓉舖底，食落好creamy好香滑👍香煎法國鵝肝,南瓜,煙肉半乾車厘茄，法邊豆加上帕馬臣芝士汁手工貝殼粉配白松露菌油🍝鵝肝外皮煎得香脆，一切開啲鵝肝汁真係好juicy! 好滋味！有入口溶化感覺。手工做嘅貝殼粉，口感煙韌而且麥味香。用左好多既配料襯托，味道豐富，白松露菌油味濃郁開胃，令到味道更加突出入味！🙂低溫慢煮乳豬件伴法邊豆，伴手指薯配無花果燒汁🐷乳豬皮燒得香脆，不要以為好難切開。由於乳豬經過低溫慢煮，所以乳豬好軟嫩！真係意想不到的驚喜！燒汁配搭無花果，味道不會好鹹，更帶點甜味清新。伴菜有黑醋火箭菜，能解解油膩感，好開胃！😬叫左餐廳既特色飲品，都幾好飲！G