慈素小聚

營業中

休息中

新派café feel之《慈素小聚》一直好想食素菜，今晚終於有機會，今次呢間慈素小聚絕對有質素，地方雖小，但裝修有café feel，亦令人有家既感覺，老闆係後生仔，職員都好nice，間中會行過黎傾下計，粟米濃湯佐翡翠苗 $98：翡翠苗好幼嫩，加上粟米濃湯，味道十分配合，仲可以飲埋d湯，粟米湯都有好多粒，並不是齋栗米湯，而且湯底有燈籠椒粒伴面，令視覺效果更吸引，琵琶豆腐 (5件) $88：琵琶豆腐外脆內軟，外層做得好薄粉唔厚，入口好香豆腐味，素食三文魚拼盤 $68：拼盤有三文魚同彷鮑片，用蒟蒻所製成，上台後職員話呢道菜可以影相打咭，倒水去碗底，乾冰霧氣散出黎，絕對要打咭，素三文魚口感彈口，食落有啫喱口感，但啫喱硬少少，台式叉燒刈包 $68：個包熱辣辣同軟熟，甜甜地叉燒醬汁配上輕輕炸過雞肉扒，口感豐富，輕輕炸過雞肉扒口感同味道入口都好似雞扒，黑松露鮮磨茹忌廉湯 $78：上台已經勁香黑松露味，入口飲到少少磨茹粒，成個湯黑松露味好濃郁，杏仁奶茶 $38：都算幾大壺，2個人都夠飲，味道似飲梗奶茶，不過口感質地厚d，杏仁味好香，總捨：今晚呢餐素菜菜式都幾新派，價錢唔貴之餘，食物有質素。