喜運點心專門店 (已結業)

喜運鮮蝦餃：鮮蝦餃一籠例牌有四隻，鮮蝦餡料十足又飽滿，每隻大概有三隻鮮蝦，溫馨提示一定趁熱食！鮑魚帶子金腿湯包：冇花冇假一隻鮑魚，加上仿翅賣相一流，灌湯餃本身已經矜貴，呢個賣相真係冇得輸！湯包內餡料豐富，配合紅醋連湯清！叉燒滑腸粉：叉燒大大粒，一疊有三條，加上甜豉油非常滑溜又好味呀！羅宋湯鮮竹卷：新派食物，羅宋湯配鮮竹卷果然有驚喜，羅宋湯有助平衡鮮竹卷的厚厚肉感。芒果布甸：芒果味濃郁而且陣陣奶香味。桑寄生蓮子蛋茶：滋潤、清甜、蓮子份量很多。星期五燉湯B－麥冬無花果蟲草花燉雪梨：燉湯果然真材實料，材料佔燉湯三分之一位置，喜歡吃湯料的朋友不可錯過，原盅燉湯色香味俱全，每天燉湯各有不同口味。無花果和雪梨皆清甜，這款燉湯滋潤十足！