正麵館 新派車仔麵 (已結業)

同朋友係旺角行完街，諗住簡單地食個午餐。不經意間發現了這間位於女人街檔位後面的新派車仔麵, 望落企企理理於是就入內幫襯。店內裝修行年輕人風格點餐紙同小食紙簡簡單單一目了然，價錢亦不算貴。麵的湯底同一些小食都比較新派。醉漢亦尖亦尖冰冰涼涼，有淡淡的酒香味，如果加返少少鹹味會更加完美。麻辣牛肚牛肚係切絲，比較軟稔入味，伴上麻辣醬汁，有點酸辣少少麻，好惹味。易入口同開胃。麵食我揀左店家推薦的喇沙湯底配米線 加 豬紅，豬腸 同五香牛腩米線真係大大碗，湯底係店家自己"淆"製調配出黎，好濃郁的椰奶香味，同埋有少少辣。湯底附送的蘿蔔好稔同好甜，冇完全冇渣，正。豬紅好滑好入味；豬腸洗得好乾淨，冇多餘的肥油同怪味，好稔好入味；而牛腩亦都係好入味，但如果再稔少少會更加好。朋友都係揀左喇沙湯底，配墨丸，沙茶牛柏葉同豬皮。朋友食完都話唔錯。墨丸彈牙；牛柏葉爽口入味但嫌切得太碎；豬皮都幾厚身同埋都爽口，但如果再入味少少會更加好。食完埋單時，店員都好主動問顧客對食物的意見，值得讚！後來聽講呢間車仔麵原來係由一班年輕人自已創業開店的，值得鼓勵！