常樂素食 (已結業)

向來唔好肉又非常齋姑嘅我，最近都會與素食者朋友們四出發掘新嘅聚腳飯堂。今日嚟到一間位於銅鑼灣嘅素食餐廳試下味先~4人行叫左3樣食物試試……藍帶豬排金黄脆皮嘅素豬排，內裡夾著乳酪，熱力令乳酪溶化了，囗感外脆內軟。芋頭魚鬆脆皮薄嘅外層，包住超級幼滑嘅芋頭蓉，入口後慢慢溶化，一啲渣都無，好好食呀！絲絲入扣個名好特別，其實係由山藥切成一絲絲再卷成蘿蔔絲酥嘅樣子放上湯匙內，沾上芥末同醬油，感覺好fresh。最後送上甜品桂花糕桂花香味滲透整個口腔，加上杞子，對女士們既可以美顏又可以明目進補。