影片
更多
2022-01-04
71 瀏覽
🍽農趁放假去遠啲去咗科學園附近散吓步，hea左個下晝之後就嚟到附近嘅呢間餐廳度食晚飯🥣我哋試咗呢個九道菜晚餐（$888），食盡各款精緻嘅美食😆🤍土炮雪茄一開始望到呢個名都完全冇概念係乜嘢嚟，嚟到嘅時候見到係好有心思整到好似雪茄咁嘅春卷。裏面係蒜蓉蝦嚟，啲蝦好入味之餘又唔會太過溶溶爛爛，食落都仲幾爽口。最重要係賣相真係冇得輸！🤍爆汁乳鴿用較西式嘅餐盤放中式嘅乳鴿，感覺好新穎。而且乳鴿嘅皮香脆可口，入面亦都做到少少「爆汁」嘅感覺🤍陳醋雲耳雲耳爽口而且掛汁一流，份量唔算話十分多但係兩個人食絕對足夠，傾住計咁食唔覺唔覺好快就清晒🤍手撕雞麻醬同手司機真係一個好好嘅配搭，每條雞絲都完美咁吸到晒麻醬嘅味道，配合埋青瓜絲同埋白芝麻，口感更有層次🤍火雲叉燒講起叉燒通常都係燒味店度食，第一次食鐵板上嘅叉燒。店員仲會喺你面前點火燒一燒個鐵板，被火光包圍嘅叉燒顯得更高級。叉燒嘅肥瘦均勻，面層嘅蜜汁亦都好香甜🤍醉蝦醉蝦好入味，口感爽口彈牙，美中不足嘅係佢嘅賣相相對地冇其他咁吸睛🤍三色魚黑籽燒賣食落味道同一般喺酒樓食到嘅燒賣大同小異，但係佢一份有三種唔同顏色，令到每一粒感覺獨一無二，整體上加咗唔少分🤍蜑家水果粟份
趁放假去遠啲去咗科學園附近散吓步，hea左個下晝之後就嚟到附近嘅呢間餐廳度食晚飯🥣我哋試咗呢個九道菜晚餐（$888），食盡各款精緻嘅美食😆
🤍土炮雪茄
一開始望到呢個名都完全冇概念係乜嘢嚟，嚟到嘅時候見到係好有心思整到好似雪茄咁嘅春卷。裏面係蒜蓉蝦嚟，啲蝦好入味之餘又唔會太過溶溶爛爛，食落都仲幾爽口。最重要係賣相真係冇得輸！
🤍爆汁乳鴿
用較西式嘅餐盤放中式嘅乳鴿，感覺好新穎。而且乳鴿嘅皮香脆可口，入面亦都做到少少「爆汁」嘅感覺
🤍陳醋雲耳
雲耳爽口而且掛汁一流，份量唔算話十分多但係兩個人食絕對足夠，傾住計咁食唔覺唔覺好快就清晒
🤍手撕雞
麻醬同手司機真係一個好好嘅配搭，每條雞絲都完美咁吸到晒麻醬嘅味道，配合埋青瓜絲同埋白芝麻，口感更有層次
🤍火雲叉燒
講起叉燒通常都係燒味店度食，第一次食鐵板上嘅叉燒。店員仲會喺你面前點火燒一燒個鐵板，被火光包圍嘅叉燒顯得更高級。叉燒嘅肥瘦均勻，面層嘅蜜汁亦都好香甜
🤍醉蝦
醉蝦好入味，口感爽口彈牙，美中不足嘅係佢嘅賣相相對地冇其他咁吸睛
🤍三色魚黑籽燒賣
食落味道同一般喺酒樓食到嘅燒賣大同小異，但係佢一份有三種唔同顏色，令到每一粒感覺獨一無二，整體上加咗唔少分
🤍蜑家水果粟
份量極充足，有少少似避風塘炒嘅味道，唔食得辣嘅朋友要注意一下
🤍熊仔芝士蛋糕
熊仔係好淡味嘅士多啤梨奶凍，賣相勁精緻吸引，而且奶凍嘅味道較淡，唔會搶咗香濃嘅芝士蛋糕味
💰人均消費：$444
📍香港科學園第二期10W浚湖樓S041A號鋪
張貼
