臨記車仔麵 (已結業)

天水圍其實係我老 家自從搬咗出去住之後就好耐冇返過嚟食嘢 最近竟然開咗間臨記車仔麵梗係要去試下

閒日嘅下午嚟到人都幾多裝修勁靚 完全唔似地道車仔麵 而且座位坐得舒服寬敞 夠曬私隱度

叫咗個蕃茄湯底 讚岐烏冬 配咗蘿蔔 魚肉腐皮卷 另外叫多個韭菜豬紅 一個人完全食唔曬 份量超大

烏冬煮得煙韌彈牙 而且唔會過淋 蕃茄湯偏酸蕃茄味十足 而且仲有淡淡蕃茄蓉 蘿蔔夠甜夠爽口 而且仲夠入味

腐皮卷餡料十足

韭菜豬紅 韭菜超級多

豬紅夠入味

仲有鹵水豬大腸 超大份建議 兩個人食先好叫額外小食