自己人

星期日同屋企人晚餐去咗荃灣荃新天地新開嘅「自己人」✨，真係大滿足！餐廳無論裝修、服務、食品質素都超高，整體用餐體驗非常好😌。佢哋主要提供潮州同粵式菜，有傳統嘅潮州滷水鵝、蠔餅等等🍽️，亦有粵式點心，每款菜式都精緻又好食！「老香王雪山包」包皮鬆軟，內餡香濃，真係好食到爆！🍞「鳳眼蝦餃」蝦仁鮮甜，皮薄透亮，口感一流！🦐「台灣肉鬆飛餅」香脆嘅薄餅包住滿滿嘅肉鬆，肉鬆配飛餅真係但又好味。🌯「潮汕炸乳鴿」特價原隻乳鴿，外脆內嫩，味道好正！🐦「百花紫菜酥」酥脆可口，齒頰留香！🍂「潮汕蠔烙」傳統嘅潮州蠔餅，蠔仔夠多又大粒，鮮美可口，唔可以錯過！🦪「紫菜炒飯」飯粒炒得剛好，配合其他配料，唔膩好味！🍚「福果芋泥」潮州傳統甜品，甜度適中，口感滑順，必食之選。🍠「福果薑薯」另一潮州甜品，香甜可口，令人回味無窮！🍬整體用餐體驗非常滿意，無論係食物定係服務都令我哋感到滿意👍。下次一定會再嚟！