但1點到老闆娘話今日賣哂啦🥲
睇睇下次有無機會食到
🍅冬陰功海鮮淮山麵 $68
海鮮種類同份量都唔hea㗎～
有三隻虎蝦 兩條墨魚卷同埋啲魷魚圈
虎蝦頗大隻而且口感新鮮有彈性
魷魚圈亦唔會有冰鮮雪藏味 Q彈有嚼勁
除咗海鮮仲有一條油炸鬼喺邊邊 一上枱即刻咬咗啖
keep到香脆而且唔會好重油感
而且比平時粥店嘅更紮實
呢碗嘅mvp我同朋友都一致認為係個墨魚條
原本見到小食有佢都想嗌 但怕食唔哂就放棄咗。
無諗過湯麵裏面都有✌🏻
墨魚條雖然經油炸完浸咗湯但都無影響佢嘅美味
依然食得出墨魚嘅鮮香味
淮山麵麵質偏硬身有嚼勁 唔煙韌但好有咬口
配搭都比較無負擔 就算食飽飽都唔會有好膩嘅感覺
🦐冬陰功海鮮米線 $68
同上面嗰碗材料湯底一模一樣 只係轉咗麵底
唔好俾湯底嘅啡紅色嚇親
唔肯定係咪有加入番茄 但就會食到酸甜帶好輕微辣
加入大量洋蔥令佢更加清甜唔膩
米線都有少少驚喜 雖然比平時嘅幼身 但就更滑溜彈牙
索湯效果同樣一流！
🧊冷泡大麥茶 $28
冷泡茶用咗個透明樽裝著 見到清澈嘅顏色金黃
口感溫醇無茶澀味 反而有陣咖啡嘅香氣
冰冰涼涼好解膩
☕️凍咖啡 $24
咖啡質地濃郁奶味偏濃 而且幾乎無酸味所以好容易入口
咖啡粉同奶嘅比例大概3:7
所以朋友話飲完都會有啲飽腹感
