港口味冰室 (已結業)

唔想去太遠但屋企附近嘅餐廳想試的都試過了！所以就行出少少去探索一下有乜好食，原來係長沙灣都開咗幾間新嘅茶餐廳，而呢間《港口味》就以黑白設計的，感覺時尚又乾淨，坐都坐得舒服啲！😌😌😌真係估唔到係茶餐廳都可以食到咁豐富呀！由於今晚餓底嘅關係，我哋叫咗一個二人餐再加多份清湯牛腩！以港式茶記嚟講呢度嘅食物賣相都算係唔錯的，而且啲牛腩好冧，魚好滑好鮮，三杯雞夠惹味，菜夠清甜，油飯夠香，仲有紅豆冰奶茶及忌廉薄荷朱古力特飲！仲要有例湯餸！食完真係勁飽又好鬼死滿足呀！兩個食咗咁多嘢都係二百幾蚊，真係街坊價呀！下次嚟要試埋佢哋嘅叉燒先！🤤🤤🤤