影片
更多
2019-02-02
630 瀏覽
青衣城近日出左好多新食肆， 買完年貨， 搵左一間今日剛剛新開既霸王川莊黎試。位置比較隱蔽， 因為係稻香對著那part新開既鋪。 那邊就黎開馬會， 佢就係隔離。門口好靚，有個大電視播住一d野食， 好吸引， 可惜呢區仲有幾間鋪未開， 感覺好似未開門咁， 好彩俾我發現， 可以第一日就黎試。環境幾有氣氛，音樂好聽，燈光暗淡， 好有情調。位置可望海景 但係夜晚就黑漆漆冇咩睇到。佢地有八寶茶供應，係好幾種杞子，圓肉咁加茶， 微甜好滋補。我地點左好幾樣野試。 原來佢可以emenu 落單， scan枱面既qr code, 就可以， 有圖片 好易睇。我地揀左雞絲粉皮， 侍應話每日新鮮做， 又真係幾爽滑， 雞絲唔乾，又多麻醬， 我鐘意！串燒好有趣， 佢有幾隻粉俾你， 自已調味， 辣d又得， 孜然味重d又得。豬大腸串$21，好正， 我忍唔住叫多round, 真係燒得好好， 又juicy又肥美，係我既至愛！ 一口牛 同羊都好食， 而且唔貴，加埋杯水果茶， 好夾。水果茶係大杯裝，飲左一晚， 勁解辣！招牌菜係水煮， 咁我地當然都有試。水煮毛血王， 細盤百幾蚊已經好多料， 我地霸自己加料，十零蚊，勁抵， 唔怪得原來
位置比較隱蔽， 因為係稻香對著那part新開既鋪。 那邊就黎開馬會， 佢就係隔離。
門口好靚，有個大電視播住一d野食， 好吸引， 可惜呢區仲有幾間鋪未開， 感覺好似未開門咁， 好彩俾我發現， 可以第一日就黎試。
環境幾有氣氛，音樂好聽，燈光暗淡， 好有情調。位置可望海景 但係夜晚就黑漆漆冇咩睇到。
佢地有八寶茶供應，係好幾種杞子，圓肉咁加茶， 微甜好滋補。我地點左好幾樣野試。 原來佢可以emenu 落單， scan枱面既qr code, 就可以， 有圖片 好易睇。
我地揀左雞絲粉皮， 侍應話每日新鮮做， 又真係幾爽滑， 雞絲唔乾，又多麻醬， 我鐘意！
串燒好有趣， 佢有幾隻粉俾你， 自已調味， 辣d又得， 孜然味重d又得。豬大腸串$21，好正， 我忍唔住叫多round, 真係燒得好好， 又juicy又肥美，係我既至愛！ 一口牛 同羊都好食， 而且唔貴，加埋杯水果茶， 好夾。
水果茶係大杯裝，飲左一晚， 勁解辣！
招牌菜係水煮， 咁我地當然都有試。水煮毛血王， 細盤百幾蚊已經好多料， 我地霸自己加料，十零蚊，勁抵， 唔怪得原來呢間野有幾間分店了，我真係孤陋寡聞！
水煮魚既味道係冇得彈， 魚勁滑，麻辣都剛好， 其實我地淆底叫左一辣， 正常侍應推薦係四辣， 四辣wor, 點食？ 我環搵個勁食得辣既朋友先得！
另外侍應推介左賽螃蟹，我地唔知係咩， 原來係炒蛋白， 因為我地唔想要肉，所以佢介紹左呢個。我第一次食， 真係好特吃又好食， 可能細路更鐘意， 所以我個仔都好喜歡。
由於我地好餓， 仲叫左兩個主食， 韭黃肉絲炒粉條 同 招牌炒飯。
炒粉條唔係度度有得食， 好煙銀，好似食圓年糕咁， 但又軟身d, 非常推薦！炒飯炒得好好， 唔濕， 料多， 蝦乾香！
今餐真係好飽又好好食。 我同d朋友都book埋新年再黎多次， 希望到時未有人知， 未爆啦。
水果茶
36 瀏覽
0 讚好
0 留言
水煮魚
40 瀏覽
0 讚好
0 留言
招牌炒飯
44 瀏覽
0 讚好
0 留言
串燒， 炒粉條
39 瀏覽
0 讚好
0 留言
雞絲粉皮
33 瀏覽
0 讚好
0 留言
賽螃蟹
30 瀏覽
0 讚好
0 留言
21 瀏覽
0 讚好
0 留言
張貼
