辛手村 (已結業)

平時好少行過嚟黑布街呢頭，原來開咗間食四川嘢嘅新派餐廳，裝修都幾新潮，完全估唔到係食川菜嘅居酒屋！🍴 “辛手村”麻辣黑松露味干鍋 (肥牛片、豬頸肉、土豆、椰菜花、蓮藕、娃娃菜) ($286) ⭐️⭐️⭐️⭐️聽落好新奇，估唔到黑松露都可以用喺中式嘅菜式上面，食落黑松露味完全融合喺啲配料入面。我哋叫咗肥牛片、豬頸肉同埋其他蔬菜，成個干鍋都好足料，基本上都夠四五個人食。雖然見到大大嚿辣椒，但係其實食落唔算太辣，好適合我哋香港人嘅口味。呢個干鍋送飯食真係一流。🍴 “辛手村”炸帶子 ($48) ⭐️⭐️⭐️⭐️💫帶子炸得啱啱好，外脆內軟，好明顯係即叫即炸。必食！🍴 串燒 ⭐️⭐️⭐️⭐️🍢 川燒雞腎串 (岩手縣) ($32)比較乾同有少少韌。🍢 辛手雞棒肉串 ($32)口感好得意，入邊會有爽脆嘅雞軟骨，好惹味。🍢 川燒厚切牛舌心 ($68)熱辣辣食到幾有肉汁，唔錯。🍢 川燒秋葵 ($20)本身唔係好食秋葵嘅我都覺得唔錯，因為佢加左辣粉嚟燒，所以食落好香口！🍢 川燒經典豬頸肉 ($38)厚切豬頸肉，外皮燒到脆卜卜，每一啖都充滿油脂。🍢 川燒魷魚串(原隻) ($42)又係必食，魷魚腳入哂味，辣辣地又好有咬口。🍴 “辛手村