姚姚酸菜魚 (港威商場)

營業中

休息中

有幾日假期約咗細妹去行街，見呢間嘢新開左冇幾耐就去試吓，由於我食嗰陣係假日嘅午餐時間，所以都幾多人，放低咗聯絡資料等咗大約一個鐘左右，終於入得去食啦。店內環境都幾好坐得到舒服，我哋嗌咗雞絲粉皮，避風塘大蝦拼酸菜魚，同埋甜品～彩虹烏龍冰粉。首先個雞絲粉皮都幾啱小朋友食，麻醬好香，個粉皮非常有口感軟滑。另外主菜個避風塘大蝦好脆口，我係可以連埋蝦殼一齊食埋，非常惹味。而彩虹烏龍冰粉我覺得唔係好甜，而佢個茶底係茶位飲個杯茶嚟嘅，其他嘢唔係好甜得個提子乾有甜味，如果可以再加多啲甜味就更好。