辛手村 (已結業)

有時好怕食川菜，因為唔係好食得辣。今次揀咗間新派川菜，有乾鍋食，所以帶埋媽咪去試😊黑布街好野食實在太多，辛手村門面光猛簡潔，一於入去睇下有乜咁特別。嗌咗3串串燒，分別有雞肉軟骨、豬頸肉同埋燒翠玉瓜。每串串燒都落哂孜然粉，唔會過辣，好有四川風味。雞肉軟骨好有口感，唔會係爛晒好梅嘅雞肉，豬頸肉極出色，油份燒到迫哂出嚟，但牙爽口，又唔會太油膩，而翠玉瓜更加係驚喜，好少燒翠玉瓜燒得唔乾身，內裏濕潤而外面焦香。重頭戲嚟啦，就係黑松露麻辣乾鍋。初頭仲驚一個乾鍋唔夠食，其實都幾大份，因為仲有白飯。乾鍋我哋揀咗雞軟骨、豬頸肉、蟹柳同娃娃菜做料，入面仲有炸過嘅蓮藕片同薯仔，好飽肚。我要食過都唔知黑松露同麻辣可以咁夾！聽講呢個菜式係佢哋自家創作非常欣賞！黑松露味唔會搶走麻辣味，成碟餸又唔會好似傳統川菜咁香麻辛辣，我同媽咪都食得好滋味😚蓮藕片炸過好似食薯片咁好正！另外仲嗌咗荔枝烏龍同番石榴烏龍冰茶，冰茶唔會過甜，但係又飲到水果嘅鮮甜味👍🏻👍🏻媽咪大讚呢道嘅野食，唔會好似傳統川菜咁麻辣，加入咗啲新元素，好啱香港人口味~ 走嘅時候夜晚調教咗燈光，變咗間酒吧咁😍 怪唔知佢夜晚有得揀飲signature cockt