▪️鳳梨雀仔
賣相非常靚，小鳥放在鳥籠內非常趣致，食落似鳳梨酥，酥皮入面包住鳳梨餡，香味又好味
▪️金魚戲水
游水金魚湯蝦餃賣相100分，以高湯浸住嘅蝦餃，啖啖蝦肉好足料
▪️仲有多款特色點心包括黑蒜蝦燒賣、蟹粉芙蓉餃、粉紅佳人（龍蝦肉餃）賣相都係好精緻，值得一試
▪️潮汕滷水炸乳鴿
乳鴿外皮香脆，肉質嫩滑多汁，帶點滷水香氣， 整得夠入味
▪️潮汕炸蠔餅
蠔餅炸得香酥可口，蠔仔份量俾到足，炸粉夠薄食起上來更有口感，點上辣椒醬食味道更惹味
▪️百花紫菜酥
紫菜酥食落好有驚喜，面層紫菜酥脆，底層蝦膠混合墨魚膠彈牙，雙重口感滋味，並加入粟米粒增添甜味
▪️豆漿蟹肉番薯葉苗
用上豆漿湯底襯托番薯葉，味道濃郁，蟹肉份量都算多 ，夾埋一齊食口感層次分明
▪️蟲草花紅棗燉烏雞
燉湯係以單碗位上，熱辣辣既湯最好飲，滋補又暖胃
▪️潮汕落湯錢
糯米粉團口感軟糯，煙韌口感非常正，沾上糯米粉&五仁粉香甜又好味
