影片
更多
2021-04-23
615 瀏覽
屋企人外出食飯通常都會揀中菜，今次就去咗試呢間新派中菜館。菜式精緻，新奇有趣，而且味道都幾好。招牌酸菜滑魚片$298鍋具好中國風，酸菜魚上灑上菊花瓣、紅椒，顏色非常吸引。魚片白雪雪，肉質好滑，我哋揀咗小辣，好惹味，一啲都唔腥。配料除咗酸菜，仲有黃芽白、大荳芽葉、雲耳、紅薯粉，好豐富。精緻點心拼盤$128下層有3類點心，其中，蝦餃晶瑩剔透，蝦肉爽口；炸大良鮮奶外脆內軟滑，充滿奶香味。上層嘅天鵝係紫薯千層酥，外面酥脆，裏面係綿綿嘅紫薯蓉，唔會好甜。荔枝造型嘅係奶黃煎堆仔，外面用脆先包住煙韌軟糯的煎堆仔，加上令人難以抗拒的奶黃餡料，又得意又好味。蔥爆藕帶安格斯牛柳粒$118原來係西芹炒牛柳粒，整個餸好惹味，安格斯牛柳粒肉質鬆軟，牛味香濃，切得一口的大小，令人一粒接一粒咁食。西芹好爽脆，跟牛肉味道很夾。竹笙紅茄泡勝瓜$88食得多肉，呢個餸清清地啱晒，絲瓜清甜，竹笙爽口。其實呢個都係一個湯，有微火溫着，一路食到最尾都可以飲到暖暖嘅湯。鮮菠蘿海鮮焗飯$168海鮮材料豐富，有青口、大蝦、好多小帶子，配上芝士白汁，焗飯非常香口，而且用原個菠蘿起肉，菠蘿香甜多汁，勁多菠蘿粒，配搭芝士白汁海鮮炒飯非常夾，
招牌酸菜滑魚片$298
鍋具好中國風，酸菜魚上灑上菊花瓣、紅椒，顏色非常吸引。魚片白雪雪，肉質好滑，我哋揀咗小辣，好惹味，一啲都唔腥。配料除咗酸菜，仲有黃芽白、大荳芽葉、雲耳、紅薯粉，好豐富。
精緻點心拼盤$128
下層有3類點心，其中，蝦餃晶瑩剔透，蝦肉爽口；炸大良鮮奶外脆內軟滑，充滿奶香味。上層嘅天鵝係紫薯千層酥，外面酥脆，裏面係綿綿嘅紫薯蓉，唔會好甜。荔枝造型嘅係奶黃煎堆仔，外面用脆先包住煙韌軟糯的煎堆仔，加上令人難以抗拒的奶黃餡料，又得意又好味。
蔥爆藕帶安格斯牛柳粒$118
原來係西芹炒牛柳粒，整個餸好惹味，安格斯牛柳粒肉質鬆軟，牛味香濃，切得一口的大小，令人一粒接一粒咁食。西芹好爽脆，跟牛肉味道很夾。
竹笙紅茄泡勝瓜$88
食得多肉，呢個餸清清地啱晒，絲瓜清甜，竹笙爽口。其實呢個都係一個湯，有微火溫着，一路食到最尾都可以飲到暖暖嘅湯。
鮮菠蘿海鮮焗飯$168
海鮮材料豐富，有青口、大蝦、好多小帶子，配上芝士白汁，焗飯非常香口，而且用原個菠蘿起肉，菠蘿香甜多汁，勁多菠蘿粒，配搭芝士白汁海鮮炒飯非常夾，去掉油膩感。
十三么$128
呢個係甜品嚟嘅，其實係桂花椰汁糕。一上枱真係好驚喜，做得好逼真，真係一副牌咁，非常適合打卡。講返味道先，桂花清香，椰汁糕香甜，係一個幾清新嘅甜品。
張貼
