影片
更多
2022-12-29
52 瀏覽
同屋企人經過見到呢間門面幾有氣勢嘅新派點心店，平時唔肯食夜晚食點心驚佢哋都忍唔住要試吓。*茶水 每位$10*《 黑金流沙包 💲38 》熱烘烘食最鬆軟、最有流心效果，奶黃餡唔會太甜。《 一籠大滿足（六隻）💲62 》峰每走點心都特別，所以叫一氏就可以滿足六個願望，分別有“酸菜魚鳳眼餃、蟹粉菠菜香蝦餃、筍尖蝦餃王、松露惹菌晶瑩餃、豌豆桃子、鹹蛋黃墨魚燒賣"。平時嘅桃子餡會係蓮蓉，呢款就用上豌豆，微甜香滑都唔錯；燒賣中間用上鹹蛋黃都係第一次食到，味道幾夾；賣相紫藍色嘅松露惹菌晶瑩餃岩晒素食人士，餡料好香～《 龍躉球蒸飯💲76 》魚肉大塊厚肉，口感滑嫩，魚皮彈牙煙韌有膠質，鮮味十足，配上砵仔飯美味無窮，不過飯有點乾。《 籠燒賣（四隻）💲42 》分別有"懷舊燒賣、麻辣牛肉燒賣、龍蝦汁墨魚燒賣、滷水鵪鶉蛋燒賣"。四款燒賣都好味，牛肉燒賣微辣開胃、龍蝦燒賣滋味彈牙、鵪鶉蛋燒賣有滷水香～《 一口鹹水角（四粒）💲36 》的的式式好可愛一口一粒，一啲都唔油膩，外層脆卜卜，內層魚香茄子，惹味可口，四粒真係唔夠喉～《 拉絲菠蘿包（三個）💲38 》新鮮出爐熱辣辣，包身鬆軟回彈，拉絲好吸引～入口有咸芝香，又有菠蘿皮
同屋企人經過見到呢間門面幾有氣勢嘅新派點心店，平時唔肯食夜晚食點心驚佢哋都忍唔住要試吓。
*茶水 每位$10*
《 黑金流沙包 💲38 》
熱烘烘食最鬆軟、最有流心效果，奶黃餡唔會太甜。
《 一籠大滿足（六隻）💲62 》
峰
每走點心都特別，所以叫一氏就可以滿足六個願望，分別有“酸菜魚鳳眼餃、蟹粉菠菜香蝦餃、筍尖蝦餃王、松露惹菌晶瑩餃、豌豆桃子、鹹蛋黃墨魚燒賣"。
平時嘅桃子餡會係蓮蓉，呢款就用上豌豆，微甜香滑都唔錯；燒賣中間用上鹹蛋黃都係第一次食到，味道幾夾；賣相紫藍色嘅松露惹菌晶瑩餃岩晒素食人士，餡料好香～
《 龍躉球蒸飯💲76 》
魚肉大塊厚肉，口感滑嫩，魚皮彈牙煙韌有膠質，鮮味十足，配上砵仔飯美味無窮，不過飯有點乾。
《 籠燒賣（四隻）💲42 》
分別有"懷舊燒賣、麻辣牛肉燒賣、龍蝦汁墨魚燒賣、滷水鵪鶉蛋燒賣"。四款燒賣都好味，牛肉燒賣微辣開胃、龍蝦燒賣滋味彈牙、鵪鶉蛋燒賣有滷水香～
《 一口鹹水角（四粒）💲36 》
的的式式好可愛一口一粒，一啲都唔油膩，外層脆卜卜，內層魚香茄子，惹味可口，四粒真係唔夠喉～
《 拉絲菠蘿包（三個）💲38 》
新鮮出爐熱辣辣，包身鬆軟回彈，拉絲好吸引～
入口有咸芝香，又有菠蘿皮嘅甜味同酥脆～
三個人，每人埋單比$120，平過喺酒樓食點心，啲點心好味又特別啲，下次嚟試吓燉湯先。
張貼
