新星海鮮酒家 (已結業)

由於近好友家，每年都總有一兩次機會來這裏食晚飯，不過通常都係食火鍋，食小菜都係第一次。

我們叫了一個片皮鴨兩食，片皮鴨睇落去係OK，鴨皮香脆，但係食落口太多油，所以我都唔敢食得太多。

片皮鴨兩食

$198

而第二食豉汁苦瓜炒鴨肉就比較好d，鴨肉亦都唔會太肥唔太廋，豉汁亦好入味，苦瓜都好爽脆。

豉汁苦瓜炒鴨肉

另外，清湯龍蝦伊面，龍蝦都好大隻多肉，而且新鮮彈牙，估唔到上湯伊面都好夠味，而且不怕像芝士咁濟。

清湯龍蝦伊面

$198

呢個時候正正係大閘蟹個季節當然我地都唔會放過啦，而且好抵食＄68兩隻每隻有四兩半重，大閘蟹的蟹膏唔算太多，亦都唔係太少，而且新鮮，但係這樣的價錢有這樣的質素都算係唔錯。

大閘蟹

$68