影片
更多
2020-10-08
3895 瀏覽
放左工之後同左家姐去打邊爐，我地都好耐未試過兩姐妹打邊爐，我就揀左呢間日式火鍋餐廳，去到發現佢地而家新推出左港式火鍋套餐，我地揀左【牛摩解牛套餐】除左有充滿港式風味嘅湯底之外，最重要就係可以任叫任食手切封門牛柳等total 5款牛肉，加雞、豬同多款海鮮，岩哂我地呢啲食肉獸。入去之前侍應會先同我地量體溫同幫我地嘖酒精消毒雙手，除左有任點任叫嘅人類同海鮮之外，出面仲有自助吧，可以夾自己鍾意嘅醬汁、火鍋配料、沙律、飲品、雪糕同甜品，去出拎野都需要戴口罩，比較衛生，咁就食都食得更安心~芫茜皮蛋湯底+港式沙嗲湯底我地揀左鴛鴦鍋，咁樣就可以一次試哂兩款港式湯底，芫茜皮蛋湯入面加入左大量芫茜同皮蛋，湯底清新，岩哂淥肉食，咁就唔會喧賓奪主，蓋過肉類同海鮮嘅鮮味。而沙嗲湯底有花生香，味道比較惹味，兩種口味都幾好。啲牛肉好快就到~ 我地第一輪食所以每款都有一碟，呢個先係今次打邊爐嘅精髓!手切封門柳先介紹手切封門柳，出面食真係一啲都唔平架，封門柳係牛嘅橫隔膜肌肉，食得刁鑽，非常之珍貴又新鮮，雪花分佈得好平均，每片淥6秒左右就岩岩好，手切牛肉更加帶出牛肉本身嘅質感，入口即化，肉質好嫩滑，仲有濃濃嘅牛香味，非常
入去之前侍應會先同我地量體溫同幫我地嘖酒精消毒雙手，除左有任點任叫嘅人類同海鮮之外，出面仲有自助吧，可以夾自己鍾意嘅醬汁、火鍋配料、沙律、飲品、雪糕同甜品，去出拎野都需要戴口罩，比較衛生，咁就食都食得更安心~
芫茜皮蛋湯底+港式沙嗲湯底
我地揀左鴛鴦鍋，咁樣就可以一次試哂兩款港式湯底，芫茜皮蛋湯入面加入左大量芫茜同皮蛋，湯底清新，岩哂淥肉食，咁就唔會喧賓奪主，蓋過肉類同海鮮嘅鮮味。而沙嗲湯底有花生香，味道比較惹味，兩種口味都幾好。
啲牛肉好快就到~ 我地第一輪食所以每款都有一碟，呢個先係今次打邊爐嘅精髓!
手切封門柳
先介紹手切封門柳，出面食真係一啲都唔平架，封門柳係牛嘅橫隔膜肌肉，食得刁鑽，非常之珍貴又新鮮，雪花分佈得好平均，每片淥6秒左右就岩岩好，手切牛肉更加帶出牛肉本身嘅質感，入口即化，肉質好嫩滑，仲有濃濃嘅牛香味，非常之好食!我地都食左幾碟
一口安格斯牛柳粒
一口牛柳粒鎖住肉汁，油香味豐富又多汁，肉質就算煮左一段時間都仍然好嫩腍，牛味好香又有咬口，一定岩哂啲鍾意食牛嘅朋友。
馳名美國SRF極黑牛
油花分布得好靚，入口甘香細滑，入口即化，食落一啲都唔會覺得油膩
美國特級肥牛+美國精選牛肉
打邊爐肥牛係最佳拍檔，呢兩款肉嘅肉味都好香。
豚肉同雞肉我都有叫到一碟試下，同樣高質，又香又嫩滑。
生猛活蜆
蜆肉好鮮甜又無沙，食得出非常新鮮，就算唔點醬汁食都已經好好味，帶出濃郁鮮甜味。
原隻虎蝦
隻隻都好大隻，蝦肉彈牙鮮甜，好味~
港式糕點(芝麻卷+馬豆糕)
最後仲上埋兩款港式點心，每人每款各有一件，黑芝麻卷好有香芝麻味，馬豆糕好彈牙，仲有粒粒馬豆，一啖一件精緻又唔覺heavy。
出面仲有雪糕機，食埋杯朱古力雪糕就夠哂滿足~
呢到嘅上菜速度都好快，又唔會扣你單，所以我地都食得好開心又滿足，而家仲做緊七折優惠，$328一位，可以任點肉同海鮮，只係任食手切封門柳都已經物超所值!
張貼
