味力冰室

營業中

休息中

見呢間冰室係屋企附近開咗一個幾月，附近又冇乜選擇，就諗住俾個機會佢。點知......叫咗個早餐B, 蕃茄火腿通粉，炒蛋，牛油厚多士，熱奶茶。先嚟杯熱奶茶，個女仔手震震,震住咁拎出嚟，奶茶倒瀉晒喺隻茶杯周邊同隻杯碟度，佢自己都睇到但冇理，照擺上枱。我見佢咁樣，就叫令一個啊姐俾啲纸巾我，等我抹吓隻杯底等啲奶茶唔洗滴到周枱都係。呀姐話幫我换過隻底碟，好，都算。跟住嚟個炒蛋+牛油厚多士。多士係兩塊叠住上，一揭開，冇牛油既？ 為咗確定唔係我搞錯，我對下個餐牌先，的確係牛油厚多士喎! 嗰時啲員工圍住晒係水吧度望過嚟，好似已知有野唔對路。我叫第三個男人嚟换。個男人話，“哦，我地發覺搞錯咗了” 個男人换過一份多士上嚟，兩塊多士都係叠住上。我揭開，今次有牛油喇，但多士裏面係燶既。我再問個男人，“可唔可以唔好俾份燶既我”？ 佢話“可以”，然後再次攞入去换。佢一陣又拎一份多士出嚟，問我咁樣接唔接受到，我話“OK”。 先至開始有得食。搞到我好似好乞人憎咁。大佬，你新開張一個幾月，自己醒目啦。 就算你唔係新手做飲食，你都唔係咁既質素。食物質素一般，火腿通粉同多士，都係嗰啲野啦.....服務唔係極差，亦唔係好。