影片
更多
2010-06-02
33 瀏覽
留意到廣告見月前新張o既<大喜屋>做任飲任食自助餐推廣價優惠...每位減$100兼且見食客口碑不俗…怕失良機, 就快快約埋幾位老友記擇個好日去試試o羅…每晚分兩時段, 我地訂左6-8:30pm第一輪…早些少到步, 門口接待位置好細, 等候o既客人越來越多, 但接待員計到好準時先安排客人入座…anyway, 長形樓面配簡單日式設計裝修, 沿窗設一排卡座, 每卡坐四人最舒適, 六人就要”親密”多了…任點菜單分門的設有7-8大類…分別係單品料理、刺身、卷物/手卷類、壽司、有機沙律/前菜類、燒物、炸物等; 每類o既選擇內容豐富…另提供三款罐裝汽水任飲…有機蔬菜沙律/前菜：分別點左凍豆腐、毛豆、蟹籽沙律、花螺仔、蟹肉沙律、辣黃瓜螺頭肉…均為合格之作, 點少少當個點綴無妨…多則無謂!!刺身類包括：三文魚、吞拿魚、甜蝦、榮螺片、北寄貝、鱆紅魚、劍魚腩、八爪魚、希靈魚、壽司蛋點左頭7款…食sashimi首要係貨源新鮮, 哩點對佢地無懷疑!!...各款o既質量亦可!!...跟住要講究就應該係切魚生o既刀工!!...吾知哩度o既師傅未學滿師?? 定係覺得做buffet就可以吾駛咁”執著”?
每晚分兩時段, 我地訂左6-8:30pm第一輪…早些少到步, 門口接待位置好細, 等候o既客人越來越多, 但接待員計到好準時先安排客人入座…anyway, 長形樓面配簡單日式設計裝修, 沿窗設一排卡座, 每卡坐四人最舒適, 六人就要”親密”多了…
任點菜單分門的設有7-8大類…分別係單品料理、刺身、卷物/手卷類、壽司、有機沙律/前菜類、燒物、炸物等; 每類o既選擇內容豐富…另提供三款罐裝汽水任飲…
有機蔬菜沙律/前菜：
分別點左凍豆腐、毛豆、蟹籽沙律、花螺仔、蟹肉沙律、辣黃瓜螺頭肉…均為合格之作, 點少少當個點綴無妨…多則無謂!!
刺身類包括：
三文魚、吞拿魚、甜蝦、榮螺片、北寄貝、鱆紅魚、劍魚腩、八爪魚、希靈魚、壽司蛋
點左頭7款…食sashimi首要係貨源新鮮, 哩點對佢地無懷疑!!...各款o既質量亦可!!...跟住要講究就應該係切魚生o既刀工!!...吾知哩度o既師傅未學滿師?? 定係覺得做buffet就可以吾駛咁”執著”??…有D魚生切到成磚咁, 些少影響胃口o羅!!
火灸/卷物/迷你手卷：
火灸鰻魚…超美味啊!!!...俾十個讚!!!...一來我本身好鍾意食鰻魚, 哩個肉質滑溜又吾腥, 二來件壽司飯好出色, 如果吾係要留胃多試其他咁多款式…我又豈止食4件?!...(註: 火炙類還有三文魚、魷魚鬚及池魚)…朋友話火灸魷魚鬚亦美味啊!!!
大喜金龍巻、牛油果軟殼蟹反巻、炸蝦沙律巻…都係類同包住炸蝦/蟹o既卷物…三款都咁好味啊!!!...炸o既會較香口兼味濃…朋友們都吾敢多食飽肚有米飯的…但我就大大話食左6, 7件…因基本上我愛食sushi類多過sashimi的…
迷你手卷只有兩款：海膽 / 軟殼蟹
因卷物已有數款炸的, 這個只試左海膽哩款…海膽新鮮吾腥, 當然個量多D我仲開心D!!哈!!...叫左5個, 朋友都怕飯多而放棄…我一個人掃左3件…要趁新鮮嘛!!...如果吾係, 紫菜變軟就吾好味呀!!!
壽司大致有8-10款供選擇…但配搭未算好吸引…只少少叫左3-4款, 我只挑了一件火灸海鰻壽司…同樣出色!...
炸物(吉列/天婦羅類)：蝦、蟹鉗、茄子、蕃薯、鮮菇、洋蔥等都一應俱全…
可惜吾食得太多油炸食物…只奉勸一句, 千祈吾好叫吉列蟹鉗!!!
一品料理：
有10多款供選擇如…牛油炒粟米、炒什菜、雪花牛肉鍋、海鮮粥、日式餃子、鹽燒白果、鐡板牛柳粒、豬軟骨拉麵、味噌煮牛脷等等…真真包羅萬有, 只怕個肚皮冇本事試勻咋…我地則叫左以下數樣…
牛油燒帆立貝…吾得!!...好濕身, 燒吾出個牛油香味, 亦帶吾出帆立貝o既鮮…
焗什菇…一份為小小o既一碗, 牛油夠晒足, 個人好鍾意菇菌, 但都不能多食!!...怕膩!!...尤其是已經咁多o野到肚!!
清酒煮大蜆…一人小小試一隻, 一般吧!!
野菜什菇稻庭烏冬…哎吔吔…趕吾切試少少添!!...不過, 佢地話ok架播!!...
燒物類：
鹽燒牛舌…好重黑椒, 自己吾多鍾意, 加上質地比較韌, 麻麻地o者!!
串燒鰻魚…好肥美好肥美!!...滑滑溜, 吾腥!!...燒汁提味!!...讚o耶!!...食左兩串多!!!...滿足滿足!!
雞軟骨串…好味!!...但屬容易膩o既小食…只能小吃兩顆!!
鹽燒海蝦…吾係我杯茶, 只係朋友仔佢地食, 聽佢地冇乜意見, 應該係合格的!!
焗廣島蠔…蠔本身o既味已經被面頭o既芝士洋蔥蓋過晒…滿口只有濃濃洋蔥味道!!
燒鯖花魚…肚子都滿了但因為素來愛鯖魚, 最終都忍吾住要來一客…掌心大o既一份, 幾個人分享, 一下子清碟啊!!!
此刻我恨我肚皮太小…其餘仲有鹽燒雞翼、燒冬菇串、燒香草羊鞍、燒日本大蔥、燒豆腐…哩D都未能品嚐!!!
是日生果有西瓜同橙...西瓜夠甜, 冷一點更佳!!...埋單後, 附送每位一粒雪糕糯米滋!
服務員亦勤快有禮…食物到檯o既速度亦快, 整晚只漏了一記單!!!...2.5小時係足夠合理的, 只怕係一次過食壞肚皮!!...仲有多款仍未試呢!!...見周末下午時段供應同樣食品但百多元就有交易, 更抵啊!!…好想再約其他朋友仔再戰多輪呢!!...嘻嘻!!
P.S. 洗手間超細…細到點??...出入廁格係會迫到俾度門撞膝頭或顧此失彼時就撞額頭咁o羅…莫非我食完咁多之後身形即時脹爆??!!!!
張貼
