Fang Fang (已結業)

今日放工約個咗frd食飯，一齊去LKF揾好野食。見到有間嘢個招牌幾得意，就揀咗呢間啦。搭𨋢上到去見到reception, 跟住帶我哋入去，第一樣見到係bar，仲有live band tim，入到去呢就係食飯嘅部份。一坐低，經理就好熱情咁介紹有咩好食，原來呢間係食fusion亞洲菜所以好多餸個名都好得意。首先比佢嘅cocktail menu吸引咗，因為佢係用中國五行嘅金木水火土黎設計，揭揭下見到有個係熊貓造型，即刻就order咗杯試下啦。個杯 好！得！意！味道好fresh呀，因為有菠蘿同薑，即刻醒神晒哈哈！Appetizer我哋就叫咗fangfang雪茄鴨，個名好得意，原來個樣仲得意！真係好似雪茄咁，尾段就係紫菜啦（扮煙灰😂），再點上海鮮醬，好惹味！經理都極力推介叉燒一支骨，成舊叉燒上面鋪上桃同埋一啲奇亞籽，感覺好特別。叉燒好軟熟，同平時燒味鋪嘅叉燒當然有分別啦，佢就較甜，蜜糖味重啲。另外都叫咗野蜂蜜烤智利鱸魚，上面有蓮藕片，下面有蘆筍墊住，我覺得好似鱈魚咁，烤得啱啱好，唔會太熟，肉質幼嫩，好滑，好正呀！同埋都叫咗個雜菌炒露筍，雖然呢間係fusion菜，比較多外國人去，但炒菜都唔會馬虎，