唔知係咪星期日晚市好忙，落單同上菜侍應都嬲爆爆咁唔係好應人。
最先上菜係
片皮鴨
擺盤好豪華，侍應上完菜就走咗，當我地望住分開咗3碟嘅鴨肉同多種醬料，唔知從何入手之際，同行一人發現轉轉盤攝住咗一張“說明書”。原來3碟分別係鴨皮、鴨胸肉同鴨腿肉。
鴨皮可以點爆炸糖食，好有趣。
鴨胸胸肉就咁點自家秘製黃芥末。
鴨腿肉除咗傳統包青瓜絲、京蔥絲、甜麵醬。仲可以用新式食法包山楂條、紫洋蔥同藍莓醬。
顏色好靚。
桂花蜜山藥相比平時食開清爽的山藥，呢個比較粉，好似食緊好粉的蘋果咁。配埋清甜桂花蜜。 大家一致覺得應該歸類到甜品類，最尾先食。
蝦乾冰草表面一粒粒冰粒咁小透明，食落都好似咬緊薄冰咁清爽。配醋汁好似食緊沙律咁開胃。
啫啫a菜煲
辣子雞被辣椒與香蒜覆蓋的雞粒炸得穌脆可口。不得了。十級juicy。
酸菜魚魚肉嫩滑，裡面自帶配料萵荀與薯粉。鹹鹹酸酸，無食到好重味精味。NICE!
鮑魚雞粒炒飯是晚vip，極有鑊氣，飯粒粒粒分明，得到大家一致好評
