素食一家 (已結業)

自從上次同媽媽食過素食後, 佢知道而家D齋鋪好新潮. 今日同佢去花園街閒逛, 行得夜左索性食埋晚飯. 搵到開飯有呢間"素色一家", 睇相見有好多新潮齋菜, 一於同佢黎試下.門口好大個招牌, 向著水務局果邊, 好易搵.入到去地方幾大, 夠空間感, 好多位.睇下有咩款式選擇, 小菜, 湯羹, 煲仔, 炒粉麵飯都有.要左個開胃小食"日式芝麻醬涼拌山藥"($45), 天氣熱熱地, 先要個冷盤開下胃. 山藥其實唔知係咩, 不過食落好爽口, 個質感好似雪梨, 配埋芝麻醬, 酸酸甜甜好醒胃. 仲有雲耳紀子配料, 呢個小食好有益. "栗米菜粒豆腐羹"($30/碗), 想要水野濕下, 所以簡單D要左豆腐羹, 入面好多豆腐, 栗米, 菜粒配料, 個羹唔咸, 唔太杰身, 飲完唔會太濟.到小菜要左"西檸焗猴頭菇"($88), 炸野我最鍾意, 猴頭菇炸得夠乾身, 炸粉唔厚, 好香口, 咬開之後仲食到菇一絲絲既質感. 點埋西檸汁調調味, 想酸酸甜甜又得, 想清清地又得, 唔錯."生菜包和味雜綿崧"($78), 配料有菜粒, 紅蘿蔔粒, 栗米, 松子等等, 可能夠多蔬菜, 所以食落好爽口, 好新鮮同陣陣松子味, 好