醬堡 (已結業)

Ugh 病毒又被係6點後岀沒喇😐小店s又suffer，梗係要幫手衝一衝😋呢間小店開係住宅區，夠哂方便，落樓下就有得食burger lah，唔洗下下食金拱門😚呢度嘅裝修同擺設都好有心機，隔離仲提供埋消毒濕紙巾同酒精搓手液，係呢段期間，就可以食嘢之前洗手💦，好重要㗎。😌😌我地叫左兩個burger ，蘑菇芝士雞堡🐓，川式麻辣醬堡，我哋仲叫咗一個水果盒，原味芝士餅🍰同埋血橙梳打。我哋揀咗坐吧枱，見到大廚係我哋面前煎扒，淨係睇到都已經流晒口水啦，真係好期待食呀。呢個川式麻辣醬堡果然係招牌，塊扒好多肉汁，有實淨，咬落口好滿足，另外入邊用咗麻辣醬之餘，仲加咗好多香料，尤其係花椒，食落口夠晒麻，哇，條脷郁唔到咁滯👅，鍾意食辣嘅朋友一定要挑戰下！！包你食過返尋味！好彩我醒目嗌咗血橙梳打，呢枝嘢飲個樣夠晒靚，打開橙汁味唔會好淡，非常之濃郁，梳打又唔會太過攻鼻，好味。至於另一個蘑菇芝士雞堡，啲蘑菇煎到好香🍄，雞扒亦都夠晒嫩滑，咬落唔會好鞋，加埋芝士喺面頭，熱辣辣融晒落塊雞扒度，🧀好邪惡啊，但係又好味到忍唔住要食多兩啖。hehe另外我哋仲見到隔離其實仲有其他甜品，好似macaron賣，但係我哋叫咗一件chee